Qənirə Paşayeva şeirləri

Qənirə Paşayeva – Azərbaycan siyasətçisi, jurnalist, Azərbaycan Respublikası Milli Məclisinin deputatı.

“Ana” şeiri

Bu gecə yata bilmədim, ana,
36 yaşın qorxusu vardı içimdə.
Məni 37-yə aparan gecənin
səhərində soyuq var
Üşüdüm, ana!

Bütün gecə
Səsin gəldi qulaqlarıma –
Keçmişdən səsin gəlirdi:
“Böyü, qızım,
Yeri, qızım,
Dil aç, qızım!” – deyirdin…
Böyüdüm, ana,

Tarixin ən amansız illərində böyüdüm.
Dil açdım, ana,
Həyatın ən çətin yollarında
Yeridim, ana!

Amansızca vuran oldu,
Yıxılıb-qalxdığım oldu…
Qalxdım qalxmağına,
amma canım çox ağrıdı,
Qəlbim çox ağrıdı, Ana…

SmartBee - Sponsor
SmartBee - Sponsor
Sponsor Linklər

Sən mənə bu dünyada
Qadın olmanın,
Belə çətin olduğunu,
Deməmişdin axı…
Ayaqların üstündə durmaq,
Namusunla yaşamaq,
Haqq bildiyini söyləmək istəsən,
Qadın olmanın bədəli çox ağırmış, ana!
Sən mənə belə deməmişdin axı…
Heç kimə göstərmədim göz yaşlarımı,
İçimə axıtmağı öyrəndim, ana,

Xoşbəxtliyi oynamağı…
Ürəyim ovcumdaykən
Başım dimdik gəzməyi.
Məni vuranları sevindirməmək üçün,
Yıxılmamağı öyrəndim, ana!

Yalandan gülməyi elə öyrəndim ki,
Gülməyin əslini unutdum.
Xoşbəxtliyi oynamagı elə öyrəndim ki,
Xoşbəxtlik necə olur əslində – unutdum…
Bu gecə
Səsin gəlirdi qulaqlarıma –
Mənə nağıl danışırdın,
Xeyirin həmişə Şərə qalib gələcəyini deyirdin.
Mən düz 36 il Xeyirin qələbəsini gözlədim,
Şər qalib gələndə ağladım, ana!

Sənin nağılların belə qurtarmırdı axı…
Səni dinləyirdim, ana,
“Biri vardı, biri yox” deyirdin.
Mənim nağılımda
“Biri yoxdu”lar daha çox oldu, axı…
Böyüdüm, ana,

Daha o qız deyiləm,
Ağrı və göz yaşlarıyla
Böyüyən qadınam…
Yadındamı, ana,
Kəbə yolu gedirdik,
Sən sakitcə dua eləyirdin.
Birdən səndən
Kimə dua elədiyini soruşdum.
Üzümə baxıb:
“Ana olanda anlarsan” – dedin.
Mən ana olmadım, ana…

Amma səni az da olsa, anlaya bilirəm…
Arxadan vuran dostları,
Qəlbimi verdiyim sevgilinin
Ögey baxışlarını görəndə,
Anladım, ana,
Sən söykənə biləcəyim
Tək varlıqsan…
Sevincimi bölüşdüm səninlə,
Amma üzülməyəsən deyə
Kədərimi bölüşmədim, ana.

Kədərimdən əzilməyəsən, deyə.
Əslində kədərimi tək sən gördün,
İlk sevdam daşa dəyəndə,
Məni təkcə sən anladın.
Mən səndə gördüm insanı anlamağın necə
səssiz olduğunu…
Sevdiyim mənə
– Sən mənim heç nəyimsən! –
Deyəndən beşcə dəqiqə sonra,
Sən mənə
– Sən mənim hər şeyimsən! – demişdin.
Sən mənə bunu deyəndə,
Mən sənin deyil, onun hər şeyi olmaq
istəyirdim.
Amma həmişə belə oldu,
Yanımda həmişə sən oldun, ana…

Sponsor reklam Tövsiyə Mövzular

Sənin gözlərində
Qəzəblərin ən gözəli olurdu,
Kimlərsə məni ağladanda.
Gözlərində alovların ən qaynarı olurdu,
Kimlərsə məni aldadanda…
Qaçqınların yurd həsrətini,
Atılmış körpələrin göz yaşlarını
İçimdə hiss elədim.
Taledən yarımayanların, ürkək baxışlarını
İçimdə hiss elədim.
Savaşda itirdiyim dostlarımın,
Gözlərini, arzularını, xəyallarını
Heç unutmadım, ana..

Məni ağrılar büyütdü,
Daha güclü oldum, ana!
Gəncliyin, eşqin, sevdanın dadı,
ağrılarda, savaşlarda itib getdi.
Sonra sevgini tanıyanda
O artıq məndən qaçırdı…
37 yaşıma çatdım, ana,

Tonqala atılan Jannadan,
Vətən ugrunda Kirin başını kəsən Tomrisdən,
İsgəndərə ədalət dərsi keçən Nüşabədən,
Sevgi şəhidi Leylidən
Daha çox yaşadım, ana!

Amma nə Tomris ola bildim,
Nə Nüşabə, nə Janna,
Leyli də ola bilmədim, ana…
Əvəzində sənin hər şeyin oldum,
Məni uşaqlığıma apar, ana,

Sonu xoşbəxtliklə qurtaran nağıllar danış.
“Biri var”ları çox olsun,
37 yaşımın ilk sabahını
Sənin nağıllarına inanaraq açmaq istəyirəm.

Mən səni bu qədər sevməməliydim şeiri

Mən səni bu qədər sevməməliydim,
Bilirdim, cəzası ağır olacaq.
Mən səni bu qədər sevməməliydim,
Bilirdim, bu sevgi çox ağladacaq…

Mən səni bu qədər sevməməliydim,
Sevgim qənim oldu mənə, qəlbimə.
Mən səni bu qədər sevməməliydim,
Ağrısı tuşlandı yenə qəlbimə.

Mən səni bu qədər sevməməliydim,
Göylər də qısqandı , yerlər də, inan…
Bilirdim alacaq, qəddardır həyat,
Bilirdim könlümü qoyacaq viran.

Bilirdim, bu dünya əzəldən budur,
Səni də alacaq tale əlimdən.
Səni başqaları oxşayacaqdı
Mən dəli olanda xatirələrdən.

sponsor 3

Mən səni bu qədər sevməməliydim,
Günah səndə deyil, məndədir, anla.
“Mən sənsiz qalmaram, ölərəm” dedim,
Ömrümü əritdim bu həyacanla.

Bəlkə qəzəbləndi böyük Yaradan,
Səni məndən alıb sənsiz yaşatdı.
Amma yaşamıram mən sənsiz, inan…
Taleyim “sus” deyib səssiz yaşatdı…

Şeir #3

Sən gəldin ömrümə qəfil qonaq tək,
Dəyişdi həyatım, dəyişdim mən də.
Cavabsız məhəbbət yanan atəş tək,
Yandırdı ömrümü, əridim qəmdə.

O siyah gözlərlə, odlu baxışla,
Qoparıb sən məni hara apardın…
Sən dəli bir rüzgar mənsə yarpağın,
Sovurdun bir uçrum kənarındayam.

Eşqim yalnız qalıb, sənsiz kimsəsiz…
Dön gəl bu eşqimi yetim qoyma sən.
Səni elə sevdim, sən oldum yarım,
Bu da son…gəl qoyma bitim, qoyma sən…
“Məni mənə qaytar…”

(Qənirə Paşayevanın “Səndən sonra …”şeirlər kitabından)

Bənzər mövzular:

Axtarış sözləri: qenire pasayeva seirleri,qenire pashayeva ana seiri,qenire pasayeva sevgi seirleri,qənirə paşayeva “ana”şeiri,qənirə paşayevanın şeirləri,Qənirə Paşayeva şeirləri