Bu məqalə Yeni il haqqında inşa yazmağına yardım edəcək. İnşa fikir vermək məqsədiylə yazılıb. Çalış ki, öz fikir və sözlərini də əlavə edəsən. Sonda şərh yaza və düşüncələrini bizimlə paylaşa bilərsən.
Azərbaycan inşa yazmağınıza yardım etmək üçün bu məqaləni hazırladıq. Olduğu kimi köçürməyin və çalışın inşaya öz fikirlərinizi də əlavə edəsiz..Sonda şərh yazaraq öz düşüncələrinizi bizimlə paylaş.
Yeni il dünyanın bir çox ölkəsində böyük təmtəraqla qeyd edilən beynəlxalq bayramlardan biridir. Hər il dekabrın 31-də keçirilən bu bayram həm böyüklərin, həm də balacaların sevimli bayramıdır. Dünyada milyonlarla insan yeni ilin ilk anlarını böyük coşquyla və sevinclə qeyd edir, sevdikləri ilə birgə yeni ili xoş və əyləncəli şəkildəcə qarşılayırlar.
Azərbaycanda da Yeni il çox sevilir, böyük maraqla və həyəcanla qarşılanır. Artıq ilin son ayından başlayaraq şəhərlər, kafe və restoranlar, ticarət mərkəzləri, məktəb və bağçalar, evlər bəzədilməyə başlayır. Hər yerdə rəngarəng işıqlar, bəzədilmiş yolkalar, gözoxşayan Yeni il atributları quraşdırılır. Bunların hər biri, şəhərə xüsusi bir gözəllik və rəng qatır. Hər yerdə böyük bayram ab-havası hiss olunur. Bayramın əsas simvollarından olan ağ saqqallı qırmızı paltarlı şaxta babaları şəhərin hər yerində görmək olur. Xüsusilə balacaların sevimlisi olan şaxta baba öz hədiyyələri ilə onları sevindirir, onlarla deyib-gülür və birgə şəkil çəkdirir.
İnsanlar Yeni il zamanı özlərinə və sevdiklərinə hədiyyələr alır, bazalıq edərək süfrələrini bəzəyirlər. Hətta bu bayram gecəsi üçün hazırlanan xüsusi yemək növləri də vardır. Bu gecə hər kəs öz evində bayramı qeyd etməyə, ailə üzvləri ilə xoş zaman keçirməyə çalışır. Deyirlər, yeni ili necə qarşılasan, elə də keçirərsən. Təzə ildə insanlar sevdiklərimizlə bərabər xoş anlar keçirir, gözəl xatirələr yaradırlar. Yeni ilin qeyd olunduğu gün həm də Dünya Azərbaycanlıların Həmrəyliyi Günüdür. Bu bayramda azərbaycanlılar bir-birilərini təbrik edir, birləşib təzə ilə birgə qədəm qoyur və birlikdə xoş vaxt keçirirlər. Xüsusilə xaricdə yaşayan həmyerlilərimiz öz soydaşlarını tapıb onlarla həmrəylik edir, gərək olduqda madd-mənəvi dəstək olurlar,.Təzə il və Həmrəylik günü bizi bir-birimizə daha yaxın edir, birlik və bərabərliyimizə güc qatır.
Sponsor Linklər
Hər il 31 dekabr Həmrəylik Günü və Yeni il münasibəti ilə bayram atəşfəşanlığı keçilir. İnsanlar meydanlara toplaşır və atəşfəşanlığın göy üzündə yaratdığı gözəl mənzərəni seyr edərək birgə təzə ilə qədəm qoyuarlar.
Yeni ilin uğur və şans gətirəcəyinə, növbəti ilin daha gözəl keçəcəyinə hər kəs böyük ümid bəsləyir. Yeni il həyatında dəyişiklik etmək istəyən bir çox insan üçün başlanğıc təqvimidir. İnsanlar təzə ildə qarşılarına yeni məqsəd və hədəflər qoyur, daha uğurlu və xoşbəxt bir həyat yolunda ilk addımları atırlar. Beləcə təzə ilə daha mənalı bir şəkildəcə qədəm qoyurlar. Faydalı vərdişlər qazanmaq, böyük uğurlar və nailiyyətlər əldə etmək üçün yeni il gözəl başlanğıc tarixidir.
Mənim də yeni ildən böyük gözləntilərim var. Bunun üçün özümə To do list hazırlamışam. Bu ildən başlayaraq yeni bir dil öyrənmək, gitara və piano çalmaq, muzey və teatra getmək, fərqli janrlarda kitab oxumaq və s. bu kimi bir çox hədəfi edləcəklər dəftərimdədir. Əgər yeni ildə yeni məqsədlərin, hədəf və arzuların yoxdursa demək bu ancaq sözdə yeni ildir. İnsan yeni ilə məqsədli və arzulu girdikdə, o il daha gözəl və mənalı keçir.
Qarşıdan gələn təzə ildə hər kəsə bol ruzi, səadət və xoşbəxt arzulayır, can sağlığı və uzun ömür diləyirəm. Qoy yeni il hər birimizə uğurlu və düşərli olsun və həyatımıza yeni gözəlliklər gətirsin.
Yeni iliniz mübarək olsun!
Yeni il haqqında inşa
Bənzər mövzular:
- Uşaqlar üçün Yeni İl Mahnıları, Yeni il mahnisi
- Qışa və Yeni ilə aid tapmacalar
- Uşaqlar üçün yeni il şeirləri
Axtarış sözləri: yeni il haqqında inşa,yeni il inşa,yeni il bayramı inşa,yeni ildən nə gözləyirəm inşa,yeni ile aid inşa,yeni il bayrami haqqinda insa,yeni il haqqinda insa,yeni ilə aid esse
