Ana haqqında inşa

Dünyanın ən fədakar insanıdır Ana. Ana -bətnində 9 ay, qəlbində son nəfəsinə qədər övladını sevgi ilə saxlayandır. Saf, təmiz və əvəzsiz bir sevgidir Ana sevgisi. Onun sevgisindən zərrə qədər də şüphə duyulmaz, Öz canından daha çox sevər öz övladını.

Analar övladlarının qoruyucu mələkləridir. Bizlər dünyaya gəlməzdən öncə öz doğma Anamızın bətnində böyümüş, onu özümüzə bir dünya bilmişik.

Həyatda ilk nəğməni, ilk şeirləri xoş səsi və avazıyla gecə-gündüz ondan duyduq, onunla böyüdük.
“Cənnət Anaların ayaqları altındadır.”. Bu mənalı kəlam Analığın nə qədər uca və müqəddəs olduğunu çox gözəl izah edir.
Ananın zəhməti , Ananın fədakarlığı yerə-göyə sığmaz.

Ana üçün hər şeydən öndə duran öz övladının xoşbəxtliyi və səadətidir.

Bir Ana övladının xoşbəxtliyi və səadəti üçün heç nəyi əsirgəməz, onun dərdlərinə dərman olar, çətin gündə ona həm də əsl dost olar. Anadır bizim ürəyimizə hər kəsdən yaxşı bələd olan.

Bir dahinin də söylədiyi kimi: “Analar, hər şeyi görməsələr belə ürəkləriylə eşidərlər.”

Xəstələndikdə şəfalı əlləriylə, sevgi dolu ürəyiylə Anamız bizi sağaltmış, hər an bizi qayğısına almış
Biz dünyaya gəldiyimiz üçün hər birimiz borcluyuq – Göydə Allaha, yerdə Ana-ataya. Və yaşadığın hər anda, hər nəfəsdə onlara borclu olduğunu bil.
Analar – sevgi dolu qəlbləri, şəfqət dolu əlləriylə bizi bəslər, böyüdüb boya-başa çatdırar. Hər zaman borcluyuq Analara..Elə bir borc ki, bir ömür ödənməz.

Gənclər bizim gələcəyimizdir. Gələcəyimiz isə həm də fədakar Anaların əsəridir.
Bu gün dünyaya gələn hər bir qız uşağı, gələcəyin Anasıdır. Onların doğru tərbiyə-təhsil almasına görə həm cəmiyyət, həm də dövlət böyük məsuliyyət daşıyır.
Bunu üçün bütü
Analıq təkcə balasını dünyaya gətirən deyildir. Ana həm də, balası
Ana və övladı arasında təkcə qan bağlılığı deyil, həm də can bağlılığı, ürək bağlılığı vardır.
İstərdim ki, Anaların gözlərindən axan yaş sevinc göz yaşları olsun.