Samir Rzayev kimdir? - Oxubil.info

Samir Rzayev haqqında

Rzayev Samir Tofiq oğlu 12 avqust 1973-cü ildə Bakı şəhərində anadan olmuşdur. 1996-cı ildə Azərbaycan Dövlət İqtisad Universitetinin “Mühasibat uçotu” fakultəsini bitirmiş, daha sonra təhsilini Böyük Britaniyanın Durham Universitetində davam etdirmişdir. Həmin universitetdə “Maliyyə və investisiya” ixtisası üzrə magistr dərəcəsini alıb və bank karyerasına 1995-ci il tarixindən “Renessans” kommersiya bankında mühasib-əməliyyatçı olaraq başlayıb.
1997-1999-cu illərdə isə bu bankda baş mühasibin müavini olaraq çalışıb. 1999-cu ilin iyun-sentyabr aylarında “Bank of Baku” kommersiya bankında “Müxbir əlaqələr” şöbəsinin rəisi olaraq fəaliyyət göstərmişdir.

Samir Rzayev kimdir AZAL in prezidenti Samir rzayev haqqinda 2

2001-2003-cü illərdə “Most Bank”da kommersiya əməliyyatları şöbəsinin treyderi, filialın baş mühasibi və maliyyə departamentinin mühasibatlıq şöbəsinin baş mühasibi müavini vəzifələrində çalışıb.
2003-2007-ci illərdə “Bank Standard” QSC-də maliyyə departamentinin direktor müavini, 2007-2009-cu illərdə biznes proseslər və institusional inkişaf departamentinin direktoru, 2009-cu il tarixindən 2017-ci ilin fevral ayınadək isə həmin bankın İdarə Heyəti sədrinin müavini kimi fəaliyyət göstərib.
2017- ci ildə Rabitəbank ASC-nın Baş direktoru (Maliyyə və İnfrastruktur üzrə) vəzifəsində çalışıb.

Samir Rzayev və AZAL

S. Rzayev 2022-ci ildə Prezident İlham Əliyevin müvafiq Sərəncamı ilə “Azərbaycan Hava Yolları” Qapalı Səhmdar Cəmiyyətinin birinci vitse-prezidenti təyin edilib. Həmin təyinata qədər isə Samir Rzayev “Azərbaycan Hava Yolları” QSC-nin vitse-prezidenti kimi fəaliyyət göstərib.
Ölkə rəhbəri İlham Əliyevin 1 sentyabr 2023-cü il tarixində Cahangir Calal oğlu Əsgərovun “Azərbaycan Hava Yolları” Qapalı Səhmdar Cəmiyyətinin prezidenti vəzifəsindən azad edilməsi barədə sərəncam imzaladı. Bu sərəncama əsasəsn “Azərbaycan Hava Yolları” QSC-nin prezidenti təyin olunanadək həmin vəzifənin müvəqqəti icrası “Azərbaycan Hava Yolları” QSC-nin birinci vitse-prezidenti Samir Musa oğlu Rzayevə həvalə edildi.

Resurslar: